BIO
Rüfət Rəcəbov
Rüfət Rəcəbov 1988-ci ildə Bakı şəhərində anadan olmuşdur. Orta təhsilini başa vurduqdan sonra, 2005-ci ildə Azərbaycan Dövlət Rəssamlıq Akademiyasının Memarlıq və Dizayn fakültəsinə daxil olmuş və 2009-cu ildə həmin fakültəni uğurla bitirmişdir.
Təhsil aldığı müddətdə memarlıq, dizayn, kompozisiya və vizual sənət sahələrində peşəkar biliklərə yiyələnmişdir. Sonrakı fəaliyyətini prodakşn dizaynı və art-direktorluq sahəsində quraraq kino, televiziya, reklam və müxtəlif tədbir layihələrinin bədii tərtibatı ilə məşğul olmuşdur.
Rüfət Rəcəbov dekorasiya konsepsiyalarının hazırlanması, məkanların vizual həllərinin işlənməsi, rekvizit seçimi və layihələrin ümumi bədii atmosferinin yaradılması istiqamətində geniş təcrübəyə malikdir. Fəaliyyəti ərzində müxtəlif televiziya proqramları, reklam layihələri və korporativ tədbirlərin hazırlanmasında iştirak etmişdir.
Yaradıcılığında estetik baxış, funksionallıq və detallara diqqət əsas yer tutur. Onun məqsədi Azərbaycan və beynəlxalq səviyyədə tanınan prodakşn dizaynerlərindən biri olmaq və kino-televiziya sənayesinin inkişafına töhfə verməkdir.